ਤਾਜਾ ਖਬਰਾਂ
ਪੰਜਾਬੀ ਸੂਪਰਸਟਾਰ ਦਿਲਜੀਤ ਦੋਸਾਂਝ ਦੀ ਨਵੀਂ ਫਿਲਮ ਦੀ ਸ਼ੂਟਿੰਗ ਪਟਿਆਲਾ ਦੇ ਵਾਣ ਬਾਜ਼ਾਰ ਵਿੱਚ ਤਣਾਅ ਦਾ ਕਾਰਨ ਬਣੀ। ਜਾਣਕਾਰੀ ਮੁਤਾਬਕ, ਇਮਤੀਆਜ਼ ਅਲੀ ਦੀ ਦਿਖਾਵਟ ਹੇਠ ਬਣ ਰਹੀ ਇਸ ਫਿਲਮ ਵਿੱਚ 1947 ਦੀ ਵੰਡ ਨਾਲ ਜੁੜੇ ਸੀਨ ਫਿਲਮਾਏ ਜਾ ਰਹੇ ਹਨ। ਇਸ ਕਰਕੇ ਪਟਿਆਲਾ ਦੇ ਪੁਰਾਣੇ ਬਾਜ਼ਾਰ ਨੂੰ ਪਾਕਿਸਤਾਨ ਦੇ ਸ਼ਹਿਰ ਵਰਗਾ ਰੂਪ ਦਿੱਤਾ ਗਿਆ — ਉਰਦੂ ਬੋਰਡ ਲਗੇ, ਗਲੀਆਂ ਦਾ ਗੈਟਅਪ ਬਦਲਿਆ ਗਿਆ ਅਤੇ ਫਿਲਮ ਟੀਮ ਨੇ ਪੂਰਾ ਇਲਾਕਾ ਸੀਲ ਕਰ ਦਿੱਤਾ।
ਸਥਾਨਕ ਦੁਕਾਨਦਾਰਾਂ ਨੇ ਦੋਸ਼ ਲਗਾਇਆ ਕਿ ਫਿਲਮ ਯੂਨਿਟ ਨੇ ਬਿਨਾਂ ਕਿਸੇ ਪਹਿਲਾਂ ਦੀ ਸੂਚਨਾ ਜਾਂ ਇਜਾਜ਼ਤ ਉਨ੍ਹਾਂ ਦੇ ਬੋਰਡ ਹਟਾ ਦਿੱਤੇ ਅਤੇ ਕਈ ਲੋਕ ਉਨ੍ਹਾਂ ਦੀਆਂ ਦੁਕਾਨਾਂ ਦੀਆਂ ਛੱਤਾਂ 'ਤੇ ਚੜ੍ਹ ਗਏ। ਦੁਕਾਨਦਾਰਾਂ ਮੁਤਾਬਕ, ਸਵੇਰੇ ਬਾਜ਼ਾਰ ਨੂੰ ਪੁਲਿਸ ਵੱਲੋਂ ਬੈਰੀਕੇਡ ਕਰ ਦਿੱਤਾ ਗਿਆ ਅਤੇ ਗਾਹਕਾਂ ਨੂੰ ਪ੍ਰਵੇਸ਼ ਦੀ ਇਜਾਜ਼ਤ ਨਹੀਂ ਦਿੱਤੀ ਗਈ, ਜਿਸ ਨਾਲ ਉਨ੍ਹਾਂ ਦਾ ਕਾਰੋਬਾਰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਇਆ।
ਦੁਕਾਨਦਾਰਾਂ ਨੇ ਗਿੱਲਾ ਕੀਤਾ ਕਿ ਉਨ੍ਹਾਂ ਨੂੰ ਗੋਲੀਬਾਰੀ ਵਾਲੇ ਸੀਨਾਂ ਬਾਰੇ ਵੀ ਪਹਿਲਾਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਸੀ, ਨਾ ਹੀ ਕਿਸੇ ਨੇ ਆਪਣੀ ਨਿੱਜੀ ਜਾਇਦਾਦ ਦੀ ਵਰਤੋਂ ਲਈ ਉਨ੍ਹਾਂ ਤੋਂ ਮਨਜ਼ੂਰੀ ਲਈ। ਹਾਲਾਤ ਬਿਗੜਣ 'ਤੇ ਲੋਕਾਂ ਨੇ ਸ਼ੂਟਿੰਗ ਦੇ ਖ਼ਿਲਾਫ਼ ਜ਼ੋਰਦਾਰ ਵਿਰੋਧ ਕੀਤਾ।
ਫਿਲਮ ਦੀ ਸ਼ੂਟਿੰਗ ਫਿਲਹਾਲ ਪਟਿਆਲਾ ਦੀਆਂ ਵਿਰਾਸਤੀ ਥਾਵਾਂ 'ਤੇ ਜਾਰੀ ਹੈ, ਜਿਨ੍ਹਾਂ ਵਿੱਚ ਕਿਲ੍ਹਾ ਮੁਬਾਰਕ ਵੀ ਸ਼ਾਮਲ ਹੈ।
Get all latest content delivered to your email a few times a month.
